E muher Zachary Quandt di 20 aña a entega su mes dialuna mainta. El a admiti di a tira den Rancho y e tironan a herida Ski. Esaki a pasa den weekend dos siman pasa. Despues cu a haci cuater detencion, Zachary mes a entrega su mes. Tur esnan envolvi tabata riba un trip pisa di alcohol y droga.
E tabata riba pildo hunto cu e otro cuaternan den e auto. Pasando den Rancho marduga bou influencia di alcohol y droga a bisa e chauffeur pa para. Nan a bin na e idea pa baha glas y Zachary Quandt a saca e arma los tiro pa loco y e bala a coy Ski. Nan a keda keto pa un rato pero e Recherchenan si no a para keto. Asina a cuminsa busca informacion y yega na e chauffeur di e auto.
A pone man asina riba e prome sospechoso e diabierna prome cu entiero di Ski. A base di e investigacion aki a sigui busca y pone man riba otro tresnan den oranan di marduga. E sospechoso principal mes no a topa cune na cas.
Mainta ora el a tende cu a lanta e otro cuaternan cu tabata cune den e auto, el a opta pa entrega su mes. E anochi prome el a acerca su tata y conta e tata kiko a pasa. A busca abogado y asina dialuna mainta e tata y abogado a bay entrega Zachary Quandt na warda di recherché den Frankrijkstraat.
Asina a logra un total di cinco detencion y entrenan e sospechoso principal cu a tira. Den e caso aki Zachary Quandt. Te awor aki no por bisa cu a tira pa mata. A tira pa loco y bala a coy Ski cu tabata den Rancho e momento ey. Practicamente e caso ta rond y mester mas bien caba cu e proceso di interogacion pa djey manda esnan envolvi Kia pendiente nan caso. No ta descarta cu tin sospechoso cu por wordo laga liber prome cu e caso pasobra nan mes no a tira. Te ainda no a haya e arma usa den e tiramento.
