Saba tambe ta preparando pa pasada di Horcan Maria

Gobernador di Saba, Johnathan Johnson a bin cu e ultimo updatenan riba Tormenta Tropical Maria. Nan ta bay di un Hurricane Watch, cual ta nifica cu condicionnan di horcan ta posibel. Pa 2’or di merdia, Tormenta Tropical Maria ta situa riba 13.6 grado noord, 56.9 grado west y mas of menos 405 miya zuidoost di isla Riba. Bientonan maximo sosteni ta 65 miya pa ora. E movecion actual ta west, noordwest, riba 15 miya pa ora.
E ruta proyecta di e tormenta ta pasa pazuid di Saba. Aunke ta bon pa tuma e precaucionnan necesario pa sigura bida y propiedad.
A tene un reunion cu e disaster management team. E decision a wordo haci pa asina cera scol y creche for di dialuna pa diahuebs. Despues di e pasamento di e horcan riba diaranson, lo tuma un decision encuanto diabierna. Ta wordo pidi pa e docentenan reporta na scol dialuna pa asisti cu e ceramento di scol y prepara e klas. E edificio di administracion di Gobierno ta cera. Tur ambtenaar ta wordo pidi pa traha dialuna, pa asisti pa ceramento di oficina y yuda otro departamento. Riba diamars, e decision lo wordo tuma encuanto diabierna. E dos shelternan lo ta habri dialuna atrobe. Dialuna mainta lo bay provee mas informacion pa loke ta e ora exacto di e apertura di e shelternan. Mirando e hecho cu e horcan ta pasa parti zuid, ta pidi tur hende pa yena nan auto y makinaria, pa haci esaki riba dialuna. Depsues di e pasamento di e horcan, por tuma tempo pa por habri e camindanan. Ta pidi tur hende riba e isla pa tin nan plan na nan luga y pa ta prepara. Ningun otro horcan ta mescos cu otro. Aunke cu esaki tin  menos biento, e por tin mas awasero. Tambe ta pasando basta cerca di Saba. No kier pa drenta den panico, sino pa ta prepara. Depsues di pasamento di horcan, e servicionan di emergencia mester haci un damage assessment, tambe ta encurasha un y tur pa yuda haci limpi. Mientras cu e dia ta sigui, lo bay bin cu mas informacion.


Comments

comments