Den fin di siman a tuma luga e di 32 aniversario di e competencia di Feria Internacional Interpaso 2017.  Hopi hende a yega Rancho Villa Floralina pa presencia e competencia. Aruba Bank un biaha mas a aporta directamente na deporte, e biaha aki na Organisacion Cabayista Arubano (OCA).

 

Durante Interpaso 2017 a conta cu e presencia di Colombia, Republica Dominicana, Corsou y Aruba. Tur pais a bin bon prepara pa busca pa bay cu e titulo maximo den e competencia. Pe huesnan no tabata facil pa scoge e ganadornan ya cu mester a mira algun biaha con e jinete y amazonanan tabata domina e cabaynan di Paso Fino.

 

Na final di e competencia di Paso Fino, e publico por a disfruta di diferente banda cu a pone un bon ambiente. Aruba Bank ta felicita tur esunnan cu a yuda organisa e evento, specialmente OCA.

Comments

comments