S.B.T Mariners, cu ta dirigi pa Ray Marin conhuntamente cu Fenchi Leon manager di e team di softball, a batisa nan uniform nobo. E evento importante aki p’e team a tuma luga diaranson.
Na 2019 e team a tuma un break pero awor ta bek y cu un ambiente grandi. E team ta sumamente reconoci den mundo di softball. E “Bus di ambiente” ta con e team ta trece dilanti den tur parti.
E team ta existi di varios amigo cu semper a sigui hunto y awor ta reforsa pa mas hungado.
Mariners actualmente ta participando den torneo Copa Aruba, cual ta den su weekend di final e siman aki na Kudawecha Ballpark. Mariners ta yama danki grandi na su sponsor nobo cu ta kere den nan.
