Minister di Labor, mr. Wendrick Cicilia, ta considera e debate riba e aumento di salario minimo na Aruba necesario pa mehora e calidad di bida di trahadonan. Segun dje, ta importante pa busca un balansa entre e necesidad di famianan y e capacidad financiero di empresanan.
Cicilia a cuestiona si un salario di apenas 2.000 florin pa luna ta suficiente pa un tata of mama di famia cubri e gastonan basico di bida. El a compara e suma aki cu e nivel di subsistencia, cu segun e cifranan menciona den e debate ta rond di 2.700 florin pa luna.
E minister a indica cu un aumento di salario minimo mester tuma luga di un manera responsabel. Pa evita cu e medida pone demasiado presion riba empresanan mediano y chikito, e aumento lo bin acompaña di un pakete di compensacion pa e sector empresarial.
Cicilia a enfatisa cu e meta ta mehora e situacion financiero di trahadonan sin perhudica e negoshinan cu ta contribui na e economia di Aruba. E detaye di e medida di compensacion y con e lo implementa ta aspectonan importante den e proceso.
Pa mas lesa TREMPAN.
