Diaranson mainta a tuma luga na Stadion Guillermo Prospero Trinidad, ultimo dia di curso di Baseball5.
E curso aki tabata duna pa miembro nan di World Baseball/Softball Confederation (WBSC) cu nan instructornan Andrea D’Auria di Italia y Pablo Leone di Argentina, meta di esaki ta pa empleadonan di IBiSA y tambe docentenan di Movesion y Salud, ABBA y Aruba Softball Bond siña e reglanan nobo tocante e wega di Baseball5.
Diaranson mainta por a mira esnan cu a tuma curso den accion ariba tereno pa despues di e training a sigui cu entrega di e certificado na tur esnan cu a caba e curso.
Den un entrevista tanto cu Andrea D’Auria y tambe Pablo Leone nan a expresa di ta hopi contento di por a bin Aruba y duna e curso. Awo tur esnan cu a participa na e curso aki por sigui duna e muchanan na scol un miho instruccion di Baseball5.
Den luna di november venidero ta bay cuminsa e competencia entre scolnan basico di Aruba y ganado di e competencia aki lo gana e derecho di representa Aruba den Weganan Interinsular na Boneiro den luna di maart 2027.
