Diabierna Stichting Algemene Bejaardenzorg Aruba (SABA) na Centro di Cuido Palisiaweg (San Nicolas) a tene un evenemento di cendemento di luz, pa asina trece e ambiente di Pasco y Aña Nobo cerca nan clientenan.
E proyecto aki a cuminsa aña pasa, unda cu nan hay’un kerstboom regalo cual Jacqueline Hopmans, zorgassistent na Centro di Cuido Palisiaweg/SABA a bautisa como Rockefeller. Hopmas a sigui bisa cu pa dies aña caba e ta haci esaki y e ta gusta. Door cu e grandinan no por sali bay keiro rond pa wak e cas nan dorna cu lus di rond, nan a dicidi cu e aña aki nan ta trece e lusnan di color pa nan.
Hopmans a sigui bisa cu esaki ta algo cu e grandinan tambe ta gusta. Y nan mes tabata acerc’e pa asina yud’e decora, pasobra cu tabata ‘Christimas time’. Y e grandinan ta disfruta di e temporada. Cada cas tin nan decoracion , ya cu cada trahado ta asigna na un cas y nan ta encarga pa decora e cas cu ta asigna na nan. E ta algo pa tene nos grandinan contento y trece e esfera di Pasco y Aña Nobo, pa nan tambe por pasa un Pasco felis.
Por ultimo, Hopmans a bisa pa duna e grandi nan den e casnan di cuido, amor y cariño. E trahadonan ta bira nan famia, sin laga afo nan famia di sanger cu tambe ta bin bishita nan. Pero e trahadonan ta parti di nan, ta comparti tur dia cu nan, sa kico tur nan ta gusta.
Duna e grandinan locual nan merece, ban trata nan bon y disfruta cu nan, mas tanto den e dianan di fiesta cu ta acerca.
