Dialuna anochi alrededor di 11:30 pm a sosode un caso di kapmento den Jan Flemming. Polis mesora a presenta cu maximo urgencia pa atende cu e caso aki. Na nan yegada, a topa cu un hoben herida sinta den cura di cas. E habitantenan a conta cu; e situacion no a pasa na nan cas sino cerca di un parke den bisindario.
E hoben herida a core pa su bida y bati alarma n’un habitante den e area. E tabatin como tres kap riba su lomba y na su cabes. Kico exactamente a sosode no ta conoci. Ken a agredie y dicon tampoco ta cla ainda. Na sitio ta papia cu un grupo den auto a banda sitio y laga e hoben atras tur na sanger.
Ta sospecha cu discusion a bay completamente for di man y a bay asina leu cu a saca machete y kap un persona.
