Durante un conferencia di prensa diamars, 30 di augustus, dr. Rudy Lampe, miembro di RED Democratico, a tuma nota di e declaracionnan di presidente di sindicato SEPPA relaciona cu e trahadonan di limpiesa di SKOA.
Segun e presidente di SEPPA, e trahadonan aki lo a cobra conforme sentencia di hues, manera cu semper Lampe a bisa cu nan mester cobra segun ley. E actual minister presidente, prome cu eleccion, a bisa cu e lo regla pa e trahadonan di limpiesa cobra segun e status di ambtenaar. E minister nobo di educacion a bisa cu e lo regla esey. Pero un aña despues, e trahadonan di limpiesa a cuminsa cobra e sentencia di hues, manera cu e bisa cu mester cumpli cu ley.
Ta tristo con minister presidente, partido MEP, y e otro partidonan den parlamento cu a bin cu mocion pa bisa cu ta Minister Lampe ta fout, a manipula e trahadonan prome cu eleccion. Djis pa haci daño na Minister Lampe y partido RED.
