Apesar di e diferencia di opinion cu tabata tin cu RBC, locual a haci toch e negociacion bay un tiki mas facil, semper keda cu e respet.
Segun Rudy Geerman di FTA, hopi biaha cu ta den accion, tin e tendencia di perde respet. Una bes cu perde respet, dificilmente por sinta bek na mesa, pasobra tin rencor riba otro. Esey por bisa cu si a nota cu e respet a keda, apesar cu e trahadonan a bay den welga, pero semper e respet a keda. Tabata tin momento cu hasta e director, den e caso aki sr. Rafini, a bin sinta hunto cu FTA hunto cu palo di kwihi, cual den futuro lo bay cambia e caya eynan. FTA ta contento cu por fin a logra firma un protocol y e protocol tambe, den dje caminda cu ta garantisa cu mientras cu banco ta cumpli cu e protocol, FTA den ningun momento lo pone accion di welga riba esaki. Despues di basta discusion, por fin ta haya absolucion y manera semper a bisa, por bay den accion, pero na final di dia, ta na mesa bo ta haya otro.
Tin un acuerdo bon hinca den otro y mas importante ta, pasobra kisas por a firma e protocol tiki mas tempran. Pero loke a tuma luga mainta, ta pa tur compronde e contenido di protocol, pa no laga espacio pa interpretacion y esey a purba di cera tur e buraconan cu ta posibel mainta y si tur cos bay bon, prome cu 1'or di merdia, tur trahado lo a cuminsa traha bek y e ora e problema ta tras di lomba. Clientenan di RBC ta libremente bay haya nan servicio manera semper nan a haya y e ora eynan cu esaki e problema ta conclui.
