Ex-minister y parlamentario, Booshi Wever ta preocupa cu e situacion caminda cu MEP y RAIZ a entrega nos autonomia na Hulanda. Wever ta lamenta cu subrina di Betico Croes a entrega e autonomia cu tanto a lucha p’e. Durante un entrevista cu Booshi Wever na su residencia na Brazil, el a conta 24ora.com cu Aruba a conoce un ‘Black Friday’ nobo pero den luna di mei.
E ta hopi tristo pa mira con un partido a acepta pa laga Evelyn Wever-Croes conkel na nos Status Aparte.
Segun Booshi Wever, el a scucha Minister-President bisa cu; e no mester a buk, pero ora bo kita autonomia sunu, bo no mester buk, “e cos ta bay vanzelf.” Wever ta kere cu e prome mandatario a uza un palabra robes pa un situacion serio asina. E ta un lucha di hopi aña cu el a entrega. For di Henny Eman, Shon A Eman y Betico Croes. Croes a mustra e tempo ey cu e pueblo di Aruba tin e derecho pa ta Baas den Nos Mesun Cas. Toch a mira cu for di 1986 te cu 2009 a goberna Pais Aruba na un forma drechi. Pero djey, gobiernonan a entrega nos pais na Hulanda y tanto AVP y MEP a endauda nos pais.
Prome cu CFT a haci entrega y awo un biaha mas na 2024 cu e propio subrina di Betico Croes. Actitud asina ta mustra claro cu e gobierno actual ta entreguista. “Awe nos a haya algo cu nos niun por a spera”, asina ex-minister y parlamentario, Booshi Wever a termina bisando
