Den fin di siman a tuma luga e Guardian Group Walk & Run na nos hermana isla Boneiro. Entre e participantenan, nos coredonan local di e fundacion “Beyond Sports Limit” (BSL), Brainer Lampe y Gerald Moreta. Ambos ta conoci na Aruba pa core kilometernan halto hunto cu personanan cu limitacion y ta netamente locual nan a bay haci na nos hermana isla Boneiro.
Diadomingo atardi nan a yega bek for di Boneiro, durante un entrevista cu 24ora.com nan a conta cu nan tin algun idea den mente no solamente pa persona cu limitacion na Aruba sino na Boneiro y Corsou tambe. Durante nan estadia na Boneiro y participacion den e Walk & Run, nan a compaña dos mucha cu sigur a keda hopi contento.
E careda riba su mes a bay hopi bon. Locual cu ta haci ambos atleta contento. Segun Brainer, limitacion ta algo cu no existi, limitacion ta bo mes. E proyecto cu nan tin pensa pa cumpli lo tuma luga na final di aña. Tur locual cu nan a logra na Boneiro, nan a laga p’e muchanan, pues medaya y trofeo.
Gerald a logra sali na prome luga den e careda aki. Boneiro a sa di acepta Beyond Sports Limit pa cual ambos atleta ta gradici tur cu a habri brasa pa nan p’asina pone smile riba dos mucha nan cara.
