Diadomingo atardi, den careda di 6:00pm a sosode un accidente n’e rotonde di Cumana. Segun testigonan, e chauffeur di un Hyundai Accent, color blauw y cu nr. A-73622, no a regula su velocidad ora cu el a yega e rotonde, pa cual el a bay dal tras di un otro Hyundai Accent color shinishi/plata, cu nr. A-54560.
Door di e impacto, e auto blauw a bay dal contra di un pal’i luz pa despues bandona e sitio di e accidente.Polis di trafico a presenta n’e luga pa recopila informacion riba e accidente, incluyendo declaracion di e testigonan, detaye di e autonan involucra den e accidente y e evaluacion di e dañonan.
