Wardacosta ta manda un advertencia na tur esnan cu ta uza boto den bisindario di Eagle Beach. Tene cuenta cu e ta un di e areanan unda cu turtuga ta subi tera. Den fin di siman a haya un turtuga grandi, sin bida, ta drif na Eagle.
Wardacosta ta bisa cu nan a tuma nota di un turtuga sumamente grandi (sin bida) ta drif den lama den area di Eagle Beach. Wardacosta a mira e turtuga, y a ripara cu posiblemente un boto a dal den dje.
Basa riba e grandura, ta calcula cu e turtuga ta pisa aproximadamente 200 kilo. E mensahe aki ta pa adverti tur boto den bisindario pa tene cuenta cu esaki pa evita di dal den dje, cu lo por posiblemente causa daño na e boto.
