Diadomingo anochi alrededor di 8:45 pm a sosode un accidente cu basta daño material riba e via principal di Camacuri. E biaha aki, entre un Kia Rio numera A-54798 y un Nissan Tiida color cora, numera A-64073. Den e accidente aki, dos persona a resulta herida, un mas grave cu otro, cual tabata suficiente motibo pa mobilisa dos unidad di ambulance p’e sitio.
Polis a cera ambos band’i caminda p’asina atende libremente cu e accidente aki. No solamente e polisnan di districto di Oranjestad tabata n’e sitio sino esunnan di trafico tambe, kende ta encarga pa documenta y registra e accidente. E daño tabata hopi, n’e Tiida parti patras y e Rio dilanti. Tur esaki ta mustra manera cu e Rio a bin tur cu tin y dal tras di e Tiida pa cual a bay kentro.
A logra transporta e victimanan pa hospital p’asina ricibi atencion medico avansa. E ekipo forensico di e cuerpo arma tambe a presenta n’e sitio p’asina saca potret pa contribui n’e registracion di e incidente aki.