Despues di algun dia di negociacion intenso, RBC, hunto cu sindicato FTA y su miembronan, a yega na un protocol, ta na beneficio no solamente di e trahadonan, pero di e banco y tambe di e clientenan.
Pierre Rafini, director regional di RBC, a gradici mediador di Gobierno, sr. Anselmo Pontilius, como tambe sr. Rudy Geerman di FTA, abogado Figaroa, tambe e abogado di banco, sr. Martin Willemense, nan coleganan di HR y tambe Hubert Dirksz di FTA, cu hunto por a yega na otro y garantisa paz laboral na RBC. No tabata facil Segun Rafini, si puntra e partidonan, tabata tin tres dia caminda cu nan tabata casi na yega na otro, pero
ta interpretacion di palabra y pesey a yega na un claridad awe.
Conflicto Un biaha mas, esaki ta interpretacion di loke tin den e CAO, cu dado momento por tum'e na diferente manera. Banco a wak'e na un manera y FTA ta wak'e na un otro manera y eynan ta caminda cu e desacuerdo a cuminsa.
Gradicimento
Ta pidi naturalmente danki na Gerencia di RBC, pero tambe na e trahadonan. No ta tur trahado a bay den welga, pero pa esnan cu a keda mantene e banco habri durante di e dianan aki tambe, ta gradici nan por medio di e plataforma. Tambe ta gradici e clientenan pa e pasenshi cu nan tabata tin, pa mantene e banco habri, apesar cu mester a sacrifica un tiki e nivel di servicio cu nan ta custuma cun'e. Danki pa e comprension, danki pa compronde e situacion di tur dos banda. Manera tin di compronde for di Rudy Geerman, tabata tin clientenan cu tambe a simpatisa nan mes un tiki cu e trahadonan, cu hasta a trece #39;i come pa nan. Pero naturalmente e cliente semper kedando central, a purba di toch mantene e banco habri. Por ta no e servicio optimal cu nan ta custuma cun'e, pero ta sigur cu na final di dia nan a haya e servicio cu nan tabata tin mester di dje.
Punto di discusion
Awor aki nan lo bay hues dentro di poco pa asina e por tuma algun decision riba un interpretacion cu tin den e CAO. E CAO aki ta caduca December 2018.
