Raul Albertsz ta un ciudadano di Aruba kende a cay den adiccion. Aunke cu e ta biba riba caya, e ta desea di un dia por recupera.
A topa cu ne net den e area unda cu funcionarionan di Bureau City Inspector (BCI) y Tourism Oriented Police (TOP) a cuminsa haci un limpiesa.
El a splica cu e ta den necesidad di poco placa pa e bay busca ayudo na Santo Domingo. El a tende cu aya tin un centro cu ta yuda esnan cu a cay den adiccion. Normalmente e ta cana di su cas na Santa Cruz te na Centro pa haya ayudo, ora cu e por. Pero awo e tin poco tempo cu el a bay biba den un luga na Playa
Segun el a conta e dolornan cu e tin den su curpa ta haci cu tin miedo e no por evita e urgencia di uza droga, cu e ta uzando pa 25 aña caba. Tin biaha e kier stop, pero e dolornan ta pone cay atrobe.
“Ami ta un di esunnan cu kier drecha,” el a bisa.
