Un hoben, bon di salud, es mas…e ta un docente di movecion y salud (Gymdocent), un deportista, cu a contagia cu Covid-19, bira asina malo cu mester a intern’e den hospital y pon’e riba mashin pa por a hala rosea. Un rato pasa el a sali bek di hospital, awor cu su curpa a recupera y por hala rosea riba su mes atrobe.
Rodymar Geerman, politico, candidato # 29 riba lista di MEP na juni ultimo, a yama danki awe na tur cu a mustra preocupacion pe. Un cos si, e ta mas consciente awe cu nunca, cu si no tabata pa e dos vacunanan cu el a tuma, cu awe su storia por tabata completamente diferente.
Rodymar a test varios biaha y semper a test negativo pa Covid-19, aunke e tabata sinti su mes masha malo mes. Te na ultimo e no por a sigui mas y a bay ImSan cu a bolbe samin’e y mand’e haci test mesora pa motibo cu e no tabatin rosea. Asina cu for di 8 di augustus cu el a bira malo, te 20 di augustus el a yega ImSan, ta su mañan el a test positivo, a intern’e den hospital y a sali awe bek. Pero pa por lesa e testimonio completo, lesa e edicion di TREMPAN di diahuebs mainta.
