Despues cu un persona rehabilita e siguiente paso ta e nazorg. Esaki ta un fase basta dificil, pasobra ta conoci cu doño di trabou no ta desea di tuma den servicio hende cu tin un ‘track record.’ Durante conferencia di prensa minister di Husticia y Asuntonan Social a elabora mas riba e topico aki.
Rocco Tjon, Minister di Husticia y Asuntonan Social, a indica cu e ta mesun tema cu ta trata ora ta papia di ex-detenido pa por drenta e mercado laboral. Na final di dia ta keda si e discrepancia y responsabilidad di dunado di trabou. E mandatario ta kere como gobierno por brinda cierto iniciativa pa stimula nan haci esey.
El a duna un ehempel ora cu ta trata ex-detenido y e parti cu kier enfoca riba dje ta pa haci mas miho uzo di e verlof cu nan tin derecho riba dje. Durante e periodo di verlof, segun e mandatario, si por stimula pa nan haya trabou durante e periodo ey caba. Asina ey e dunado di trabou ta bira mas confortabel cu e persona. Di e forma ey n’e momento cu e sali fo’i KIA, ya caba e tin un trabou. Asina ey por evita cu e ta cay den e circulo vicioso caminda e no ta bay tin cupo di trabou y cu tur consecuencia esey por trece cu ne.
Pa mas lesa TREMPAN.COM.
