Awe durante un conferencia di prensa, minister encarga cu husticia a comenta riba e tema di radar, cual ta un tema cu a hala hopi atencion p’e situacion reciente. T’asina cu for di ultimo biaha cu un boto a yega Aruba den un forma clandestino, e radar riba Sero Colorado no a capta e boto aki.
E hecho ta cu a nota di a muda e radar aki for di KIA na Santo di Patia pa Sero Colorado. Segun informacion ricibi, e mudamento di e radar aki a costa pais Aruba por lo menos algun miyon florin.
Minister Rocco Tjon a comenta awe cu bou su ministerio no tabatin mudamento di radar. Bisando esaki, e ta tir’e directamente pa ex-minister Bikker.
Tur cos ta mustra cu fondo destina pa K9 Unit di polis a bay pa muda un radar fout poni y cu no tabata capta ningun señal riba lama. Boto ta drenta dia aden y dia afo sin cu e radar ta capta ningun señal. Awo, e mandatario di husticia actual a clarifica cu e no sa di ningun mudamento, en todo caso, no bou su ministerio.
