Un pareha lo keda e fin di siman aki den e luhoso Riu Palace Antillas, cu tur cos paga…pa disfruta dia di San Balentin manera ningun otro! Un weekend di Boso soño. Tur locual mester hiba ta paña pa bisti, nada mas! E campaña a start awe diamars y lo termina diahuebs mainta 11:00am, ora saca e ganado. Lo entrega e premio diahuebs atardi mes y diabierna merdia ta warda e huespednan pa “check-in” den e hotel, cu entretanto a reserva un mesa pa dos e mesun anochi ey, dia di San Balentin, pa come den e exclusivo Kristal Restaurant!
Mark Benson Denz, Director di Headlines Group hunto cu Juan Blanco, Gerente General di Riu Palace Antillas ta masha orguyoso di por a regla e premio aki entre usuarionan di 24ora.com, e media noticioso mas grandi di nos isla. Di e forma aki 24ora ta duna bek na comunidad y Riu Palace Antillas di su banda tambe ta confirma su rol di ta un bon ciudadano corporativo riba nos isla.
Pa participa den e campaña ta masha facil. E usuario mester bay riba e pagina di Facebook di 24ora.com, gusta (Like) y comparti (share) e promocion aki riba nan mesun Facebook. Ta conseha pa “tag” parehanan cu Bo ta kere merece gana un fin di siman aki cu tur cos paga den hotel, pa nan tambe haci mesun cos. Mas biaha bo tag bo amistadnan, nan gusta y comparti e promocion, mas chens tin di gana.
Riu Palace Antillas ta un hotel 5 strea den e modelo “all inclusive” den cual barnan, restaurantnan y tur entretenimiento ta habri henter dia y ta inclui den e prijs di camber caba. Como tal por pidi room service, tin un bar bon surti den camber mes y tin varios restaurant cu ta brinda servicio di diferente tipo di cushina henter dia. Tin un piscina masha grandi mes unda tambe tin bar y entretenimiento henter dia. Ta bon pa bisa cu Riu Palace Aruba y Riu Palace Antillas ta dos di e hotelnan cu e nivel di ocupacion mas halto di nos isla, henter aña. Ey no tin high of low season, hotel ta draai yen tur dia, tur luna, henter aña!
Na september ultimo nos a rifa un estadia den e hotel, di cual a comparti (share) e campaña mas di 4300 biaha….un berdadero record pa 24ora.com. Entretanto nos a surpasa 85 mil siguido riba nos pagina di Facebook, esun di mas grandi di Aruba! Ta premira cu lo kibra e record aki e siman ki atrobe, cu e campaña special dedica na e dia di amor!
