Na Corsou ta pone atencion n’e tema di sclavitud. Pero, durante IPKO un biaha mas a trata e topico di sclavitud, pero e parlamentario di Trabou pa Kòrsou ta cuestiona e echo cu ta bin cu esey. Te cu awo, ainda e no a mira cu a logra algo grandi durante e reunionnan aki di IPKO.
Rennox Calmes, parlamentario di Trabou pa Kòrsou, a splica p’e topico di sclavitud nan tabata di papia, pero no a haci esey mas pasobra nan a mira cu nan no tin seriedad. Simplemente a pone un topico pa papia y bisa cu nan a atende esey.
E parlamentario a indica cu nan a bisa cu no tin seriedad. E topico ta bisa despues di e komma, ban yen despues di e komma. E kier sa si “ta pret nos ta.” E ta puntra esey, pa motibo cu “no por ta serio pasobra nos no tin nada pa yena.” Nacionnan Uni ta splica bon cla kico ta e stapnan cu mester cana y e ora ey pakico mester inventa un wiel nobo.
Calmes a sigui indica cu CARICOM, Universidad di West Indies, a splica bon cla kico ta e dies stapnan cu mester cana. E kier sa pakico tin cu inventa un wiel nobo. “Ta macaco of payaso nos ta cu nos ta bay inventa un wiel nobo na algo cu ta existi caba”, el a indica.
Esaki ta algo cu no ta sorprend’e, pasobra a haci mesun cos y cu awe tin Statuut. A desvia despues di guera mundial for di direccionnan corecto. Si por mira e Statuut, esaki ta algo desviante for henter mundo. P’esey rond mundo no tin un statuut of algo otro.
Asina nan a cana drenta den 10-10-10 cu e manipulacion. Corsou no a haya autonomo di Reino manera of mas miho cu Aruba. E ta un gañamento total. Banda di esey despues tabatin e COHO y un biaha mas a bolbe bisa e parlamentarionan esey. “Ta p’e politico tradicional nan a mira nos”, e kier sa.
Segun Calmes, kende tin seis aña den politica, ainda e no a mira un balor grandi cu IPKO ta logra. E unico motibo cu e ta presenta na IPKO ta p’e bay y bin cu ta tuma luga. “Ta bisa cu tin ora bo mester tin esun cu bo no gusta mas cerca pa bo sa kico ta bay pasa. P’esey mi ta bin y ta haya sa di e tipo di cosnan aki”, el a finalisa.
