Partido RED Democratico a reacciona riba e declaracion cu minister Endy Croes a haci tocante Julianaschool.
Segun presidente dje partido, Rene Kock, e minister un biaha mas no ta papiando e berdad. El a bisa cu ex-minister Rudy Lampe a duna e edificio di Julianaschool na un grupo Canades pa nan bin cu un facultad eynan. Pero e minister aki ta lubida cu e unico hende cu por duna un edificio di gobierno, ta e minister di infrastructura y no minister di enseñansa.
Esey kiermen cu atrobe, publicamente e minister aki ta gañando e maestronan di Julianaschool. Por record’e si e no ta corda cu tabatin un caso di Frère Bonifacius cu nan kier a hiba Lampe corte, ta bon pa puntra e minister con e caso aki a desaroya y e ora tambe puntra ken ta minister di infrastructura, cu a negosha cu e grupo aki.
E ta yega hopi cerca n’e prome minister den su partido mes, segun Kock. Ta conseha e minister, si e no ta compronde pa acerca su prome minister pa puntr’e con esaki a bay.
