Consehero legal pa Minister di Salud Publico, mr. Arlene Ellis-Schipper a duna di conoce diabierna ultimo cu a comparti cu Parlamento caba un roadmap pa un fusion entre dr. Horacio Oduber Hospital (HOH) y Instituto Medico San Nicolas (ImSan). Esey ta apesar cu na september ultimo pasa un mocion unanimamente contra dje.
“Fusie lo costa tambe hopi placa pasobra tin varios condicion di trabou. Kier men tin hopi haken en ogen y tin consensus over di loke nos ta yama niet vrijblijvende samenwerking. Dus tin low hanging fruit cu lo trece eficiencia ora e dos institutonan medico traha hunto,” y esey ta con tambe pa e 1ste lijn y 2de lijn.
E terminonan prome liña y di dos liña ta conoci den sector di cuido medico. E diferencia entre nan ta caracterisa pa su acceso facil. Sin tin mester di un verwijs, tur hende tin acceso na e cuido aki. Bou di e prome liña ta referi na, por ehempel, dokter di cas, dentista y fisioterapista. Di dos liña ta solamente accesibel cu carta di dokter. Aki mester pensa riba cuido medico specialisa, manera cu esun cu ta haya solamente den un hospital.
Por ultimo e consehero ta boga pa tin un miho cooperacion entre ambos instancia. Adicionalmente a indica cu ta actualmente den proceso y e ta premira cu prome cu aña bolter, lo firma un Memorandum of Understanding (MoU).
Pregunta haci door di periodista Melissa Stamper
