Qatar y Hulanda a conclui un open-skies agreement pa vuelonan entre Qatar y Corsou, cu ta permiti servicionan aereo ilimita entre e dos paisnan aki.
Actualmente no tin vuelo directo entre Doha (of Medio Oriente) y Corsou y e acuerdo a negosha basa riba e “deseo di e dos partinan di organisa e relacion di transporte aereo entre Corsou y Qatar den un tratado pa promove comercio, turismo y inversion,” segun Sigrid Kaag, miniser Hulandes di comercio exterior y cooperacion pa desaroyo.
Ta spera cu parlamento Hulandes otorga su consentimento na final di e siman aki, pero varios partido politico den e pais kier garantia di Kaag cu e “open skies” entre Qatar y Corsou ta exclui e derechonan di “fifth-freedom rights” cu lo permiti Qatar Airways opera for di su base pa Corsou via Hulanda y recoge pasaheronan Hulandes.
Esaki, segun cu nan ta argumenta, lo causa daño na aerolineanan Hulandes y lo permiti cu “un areolinea fuertemente subsidia manera Qatar pa tuma over e parti di e mercado riba e rutanan lucrativo aki, por ehempel, di KLM.”
E deal, apesar di su tamaño chikito, ta lanta e debate dificil riba e necesidad pa competencia husto nobo atrabes di Europa. Aerolineanan Europeo mayor, notablemente Lufthansa y Air France-KLM, ta alega cu Emirates, Qatar Airways y Etihad Airways (e asina yama super conectornan) ta beneficiando di biyones di dollar den ayudo estatal – un acusacion cu e tres super conectornan aki ta yama sin base – y ta distorciona e competencia. E dos gruponan a respalda e configuracion di e Plataforma di Coordinacion di Aerolineanan pa explicitamente lobby riba reforsa reglanan di competencia husto den henter Union Europeo, mientras cu International Airlines Group y e aerolineanan independiente mas chikito of su propietarionan gubernamental no ta mira e necesidad di cambia e Reglamento 868 actual.
Union Europeo a adopta e reglanan aki na 2004 como respuesta na e apoyo di gobierno Mericano di su aerolineanan despues di e atakenan di dia 11 di September 2001. E principal aerolineanan Europeo nunca a uza 868 contra su competidornan Mericano, mucho di cual awo ta protegi pa empresanan conhunto transatlantico, pero a haya cu e herment tabata inefectivo pa haci denuncia contra di perturbadornan den e Golfo, debi cu nan a faya pa provee prueba di presunto conducta desleal competitivo.
E comision Europeo a acorda na redacta un propuesta pa revisa e reglanan di competencia husto bao di presion principalmente di Francia y Alemania, aunke a priminti cu e legislacion nobo no lo ta proteccionista, no lo enfoca specificamente riba e transportistanan di Golfo y lo aborda problemanan mas amplio manera e falta di acceso na espacionan di maximo audiencia na aeropuertonan stranhero of tarifanan ilegal pa derechonan di sobrevuelo.
A cambio, e dos nacionnan a apoya e comision den su intento di obtene mandatonan pa negosha open skies nan ivel di Union Europeo cu socionan comercial clave den mercadonan den crecemento manera Qatar, ASEAN, Emirratonan Arabe Uni y Turkia.
E conversacionnan di Open-skies ta andando cu Qatar, e miembronan di ASEAN y Turkia. Turkia y Union Europeo a aab di tin un di cuarto buelta di conversacion luna pasa y e negociadornan di Union Europeo y Qatar ta reuniendo pa un di cuarto grupo di conversacion mas den curso di luna. E Comite di Transporte di Parlamento Europeo (TRAN) a vota luna pasa, pa aproba e reglanan nobo planifica pa e comision pa protege e aerolineanan di e bloke di e posibel competencia deslear di paisnan tercero y su aerolineanan, pero solamente despues di endurece e reglanan y otorga poder na parlamento pa involucra nan mes. Bao di e reglanan aki proponi, Brussel lo por impone “medidanan reparador provisional”, manera multa of medidanan operativo – na aerolineanan no perteneciente na Union Europeo y entidadnan di terceer paisnan, incluso ora nan ta bao di investigacion ainda ta den curso ora cu ta existi un “menasa di daño ireversibel” na un aerolinea Europeo.
Pa e miembronan di Parlamento Europeo, un entidad di un tercer pais, ta inclui empresanan conhunto y aliansa cu ta inclui un linea aereo di Union Europeo, lo ta den extento. Por lo tanto, e Hainan Airlines di China por ricibi un trato diferente na esun di China Eastern Airlines, cu tin un empresa conhunto cu Air France-KLM.
“Awo nos tin un instrumento fuerte pa proteha nos aerolineanan Europeo di descriminacion y competencia internacional,” Markus Pieper, e Eurodiputado Aleman di Centroderecha cu ta dirigi e legislacion atrabes di parlamento Europeo. E operadornan di e region di Golfo, Turkia, China y Rusia tin conexionnan estatal fuerte cu por causa distorsion na e mercado.”
E version y voto di TRAN ta refleha e lobbying efectivo di algun poderoso aeerolinea Europeo, un ehecutivo di un asociacion di aerolinea, cu sede na Brussel, a indica. Sin embargo, e posicion ta lantando emocion y causando preocupacion.
E Eurodiputado di e Grupo di Conservador y Reformistanan Europeo (ECR) Euroesceptico a critica e voto di su coleganan legislador como un medida cu por aumenta prijs di e pasashinan pa e consumidornan, genera empleonan costoto y manda un mensahe proteccionista na socionan rond mundo. “Europa tin un industria aeroespacial di clase mundial cu ta ofrece miles di trabao altamente cualifica, cu clientenan di henter mundo,” Jacqueline Foster, Eurodiputado di ECR, a bisa. “Si e Comision cuminsa tuma medidanan inhusto contra di nos socionan comercial, e ta pone na peliger e vinculonan comercial, poniendo trabaonan na riesgo.”
Olivier Jankovec, director general di e organismo di comercio aeroportuario ACI Europe, a bisa cu permiti e Comision Europeo “impone sancion na aerolineanan no perteneciente na Union Europeo, incluso prome cu e practicanan anticompetitivo debidamente documenta, evalua y estableci, ta manda un señal preocupante na nos socionan comercial internacional” y por caba teniendo impactonan negativo di gran alcanse den e conectividad di nos region y entre e consumidornan.”
Mientras tanto, paisnan miembro di Union Europeo ainda no a defini un posicion comun riba e 868 actualisa. E ta sigui ta un tema delicado si e Comision lo haya e podernan pa limita of suspende e derechonan di trafico di e paisnan, cu ta regula pa acuerdonan bilateral, un fuente cercano na e conversacionnan indica.
E reglamentacion di Union Europeo ta rekeri cu EP y estadonan miembro haya un acuerdo politico riba propuesta legislativo prome cu por cuminsa e asina yama reunionnan tri partite. Durante e negociacionnan, Pieper y un representante di e conseho di e presidencia di Union Europeo, lo redacta un texto cu lo ta acepta pa ambos parti.
