Ora bo ta pura berdad bo ta haci cos cu normalmente bo no lo haci. Pa cumpli cu su trabou y yega na tempo, un personal di siguridad a opta pa bandona sitio di accidente, riba taira plat pa asina e yega na tempo.
Esaki a sosode alrededor di 2:30 pm ora cu e chauffeur aki a Sali for di Fermins Bar na Noord riba un taira plat y lagando atras basta daño na un borchi na momento cu el a dal den esaki y ranc’e por completo bay cu ne.
Direccion Caribbean Plam Village a bin top’e bandi caminda ta purba cambia taira den pura. E tabata na stuur di un Honda CRV (A-76462). Polis a bin atende mesora cu ne. Ademas di a bandona sitio y lagando basta daño atras, e no tin rijbewijs tampoco.
El a ricibi no un pero dos boet basta bon. Su coremento iresponsabel riba caminda tampoco no a yuda. E auto di baina por a move bon despues di e daño cu el a ricibi, asina mes el a riesga subi caminda cu ne.
