Despues di tres aña den desaroyo di un proyecto cu a origina den ‘Vierlanden Overleg’ na 2019 cu enfasis pa hisa calidad di nos maestronan den formacion, Marisol Croes, lider di proyecto Kibrahacha ta contento di por tin tur isla hunto finalmente pa sigui den progreso di esaki.
T’asina cu dialuna mainta na Universidad di Aruba, tabata tin e actividad ‘De Dag van Caribische Opleiders’, na unda tur socio di ‘Partnerschap Samen Opleiden Caribisch Gebied’ tabata presente bao nomber di proyecto Kibrahacha.
Esaki ta un proyecto cu a nace cu e meta general pa mehora calidad di maestronan riba e islanan ABC y region.
Marisol ta conta cu e maestronan den formacion, desde semper historicamente tabata haci esaki na institutonan manera na Aruba nos conoce IPA. Na Corsou y Boneiro tin Universidad di Corsou cual ta encarga cu e opleiding aki.
Awor locual a cambia structuralmente ta cu studiantenan ta haya training den scol. Tabata tin un buraco hopi grandi entre loke scol ta spera di e maestronan y institutonan ta haya cu nan mester hinca den un maestro pa form’e. Pero aworaki e gruponan ta trahando hunto.
Lesa mas den TREMPAN.
