Propietario di restaurant ta lamenta con polis a actua durante ceramento di su negoshi

4675

Fabrizio Battaglia ta director di Piazza Italia Restaurant y ta conta nos di un incidente cu a tuma luga diadomingo anochi cu agentenan policial.E ta conta cu algun turista Mericano a yega na su luga y el a asumi cu e por run e mesa. El a hiba e turistanan na nan mesa, caminda nan a ordo y a haya nan cuminda.

Pa mas of menos 9’or y 10, Battaglia a nota dos agente policial drenta su luga y el a nota cu un di e agentenan su cara tabata manera cos cu e por discuti algo cu un hende.Battaglia a admiti su eror mirando e ora, ya cu e tabata 10 pasa di e ora di ciere. E polis a cuminsa papia cun’e puntando dede. Mientras tanto e agente, kende ta un dama, a cuminsa haci pregunta y na luga di laga Battaglia contesta, e agente tabata sigui papia su mes.

Fuera di esaki, e agentenan tabata haci nan trabao. Battaglia no kier papia di e manera nan ta haci nan trabao.Pero loke cu a pasa despues, ta tuma su informacion manera su nomber, e proceduranan. Battaglia a haci un video chikito y a papia cu su clientenan.E clientenan no tabata den shock, pero si conmovi pa motibo di e situacion.

Propietario di restaurant ta lamenta con polis a actua durante ceramento di su negoshi

Propietario di restaurant ta lamenta con polis a actua durante ceramento di su negoshiClick link pa mas: https://24ora.news/3cl5qjS

Posted by 24ora on Monday, September 21, 2020

Nan a hustifica nan mes na Battaglia.El a comenta cu e clientenan tabata hopi bergonsa, pero si nan tabata hopi gentil. Battaglia a agrega cu e no kier bisa con hende mester haci nan trabao y tur hende mester asumi nan responsabilidad. Pero nos tur ta den e situacion aki hunto. Tur hende ta bringando pa sigui sobrevivi cu nan bida riba e isla mirando e situacion.E punto ta cu esaki ta falta di empatia di un hende cu ta haciendo su negoshi.

Por mira dos agente policial arma ta drenta e luga y tabata tin cinco persona ta come nan cuminda.Nan no ta haciendo un fiesta den un situacion straño cu cientos di persona of algo. Battaglia ta terminando bisando cu di parti di negoshi, tin hende cu tin yiu na cas, casa, y nan famia cu ta tras di comercio, fuera di tur cos.Falta di empatia no ta trece na algo. Hende ta rabia cu otro y esey no ta e manera pa sali for di e situacion aki. Ora cu bisa cu hunto nos ta sali for di e situacion aki, mester kere den loke nos ta bisa, Battaglia a bisa por ultimo.