Diasabra ultimo Wardacosta a haya un peticion pa yudansa di e yate Living Easy cu tawata sleeptouw e boto Sea Fly. E ultimo ki tabatin problema cu su motor riba laman y no por a sigui nabega. E tripulantenan di e yate Living Easy a dicidi di yuda nan y a cuminsa sleeptouw e boto Sea Fly.
Mesora e tripulantenan di Livng Easy a yama Wardacosta tambe pa bin duna asistencia. Wardacosta a dirigi un patruya di Metal Shark pa Paardenbaai y brinda asistencia na Sea Fly y su tripulacion. Na yegada e patruya di Wardacosta a tuma Sea Fly over for di Living Easy pa asina sleeptouw nan y hiba nan paden. E dos tripulantenan y e boto Sea Fly a yega sano y salvo na Renaissance Marina. E yate Living Easy por a sigui cu su ruta despues di nan yudansa.
