Oficina di Directie Publieke Scholen (DPS) no tin un director actualmente. Esaki ta haci cu for di oficina di minister di Enseñansa ta maneha e directie aki. A haci algun cambio, te ora cu saca e solicitud habri pa un director nobo.
Minister Armando Rudy Lampe, a splica cu for di su oficina a bin ta manehando DPS, y esaki a causa un retraso grandi den dossier di personal cu ta cay bou di e departamento aki. “Nos por compronde cu e ta trece frustracion cerca e docentenan ora cu nan dossier no ta actualisa,” minister Lampe a bisa.
Pa trece un balans den e situacion, e mandatario a bisa, a logra yega na un cooperacion estrecho cu Departamento di Recurso Humano (DRH) pa yuda cuminsa un fase nobo di DPS, unda ta loDigra actualisa e dossier y kita poco di malcontento cu tin bou di maestro y docentenan.
E cambio ta encera cu e team di e oficina di minister Lampe cu tabata yuda den e maneho, a bolbe oficina y a manda un otro persona (di e oficina di Lampe) pa sigui cu e maneho (actividad diario). E ta spera cu pronto e situacion por normalisa pa pasa pa e siguiente fase di un solicitud habri di kende lo bay bira e director di DPS.
