Polisnan di pariba di brug a subi caya diahuebs anochi pa tene un control pisa. Principalmente pa cumplimento di e reglanan cu tin den cuadro di e crisis di coronavirus.
E patruyanan a subi caya un poco despues di 11’or di anochi y a pasa na diferente sitio pa controla aglomeracion, e ora di ciere y a ripara cu nan a parti varios multa.
Asina por ehempel ora cu nan a yega den area di Savaneta, a constata varios auto para pafo di un negoshi cu yama “Terrace, situa riba e caminda grandi. E tabata habri ainda. E reglanan ta cu pa 12’or Toque de Queda ta cuminsa y pa 11’or e negoshinan mester ta cera. A traha un procesverbaal y a dun’e multa.
E controlnan no tabata solamente riba bar y restaurantnan pero tambe a pasa na e beachnan pa mira si tin hende den grupo.
