Tropic Alé ta e marca di bacoba mas grandi na Aruba, un marca crea door di Compra Ltd pa representa un Bacoba premium produci na Costa Rica. E bacoba aki ta uno special, cultiva den e teranan mas fertil, siguiendo e standardnan di calidad agrilcultor mas halto pa sigura cu Aruba ta ricibi solamente e bacobanan di mas dushi, distribui cu pasion pa e team di Compra Ltd. Ofreciendo comunidad un producto di e miho calidad y cu un balor nutricional halto.
Bacoba Tropic Alé, un producto saludabel kier motiva comunidad pa biba un bida activo y saludabel, pa e motibo aki ta organisa e prome TROPIC ALÉ BANANA RUN diadomingo, 9 di october 2022 den districto di San Nicolas.
Compra ta conoci pa organisa caredanan iconico y cu premio grandi manera e GILLETTE RUN y FRISIAN FLAG RUN y e TROPIC ALÉ BANANA RUN no lo ta diferente. E careda aki lo consisti di un 5 mile Run & Walk y tambe un 10 mile run pa duna e atletanan oportunidad di desafia nan mes cu un ruta un poco mas largo cu mayoria careda na Aruba. Ademas di esaki lo tin diferente careda pa mucha y hoben tambe, cual ta haci e evento aki uno grandi pa henter famia.
Pa loke ta e 10 mile Run, e careda aki lo conta cu cash prizes pa top 3 ganadonan den 6 diferente categoria, tanto p’e atletanan masculino como femenino. Esaki kiermen 36 cash prizes, algo nunca bisto den e caredanan na Aruba.
A scoge pa haci e evento den districto di San Nicolas, pasobra Compra y Tropic Alé ta kere den San Nicolas y kier incentiva participacion activo den San Nicolas. Pa lansa e evento di un manera special Compra y Tropic Alé a haci donacion di Afl. 5,000.00 na Kiwanis Club of San Nicolas pa por ehecuta proyecto pa mucha y hoben den San Nicolas, cu lo tin un impacto positivo pa e comunidad.
Pa haci Tropic Alé Banana Run ainda mas interesante lo tin hopi door prizes atractivo incluyendo un biahe pa 2 persona pa Costa Rica, e pais unda ta cultiva e bacoba Tropic Alé.
Tur careda cu ta parti di e Tropic Alé BANANA RUN ta conta pa e National Ranking di Patrishi Sports, kende ta encarga cu e logistica di e evento. Mester remarca cu cupo pa e evento aki ta limita y pa participa bo mester registra mas lihe posibel riba www.bananarunaruba.com y paga online cu credit card of na oficina di Patrishi Sports. Tur participante lo ricibi un Dry Fit t-shirt prome cu e careda, un medaya y goody bag dia di e evento
Bacoba tin un balor nutricional halto y ta un snack saludabel cu tur deportista rond di mundo ta come. Pa mas informacion di e tremendo evento aki por bishita Tropic Alé Aruba su pagina di Facebook.
TROPIC ALÉ
Bacoba Tropic Alé tin un balor nutricional halto, e ta un snack saludabel y facil di come.
E ta un fuente excelente di potasio, cual ta hacie un aliado pa reduci e riesgo di enfermedadnan cardiovascular. E tin mineralnan manera magnesium y folic acid, como tambe fibra y vitamina B6, carbohidrato y te hasta vitamina C. Bacoba ta yuda nos mehora e transito intestinal, proceso digestivo y ta yuda nos sinti yen. Bacoba ta contene 3 sucu natural-sucrose, fructose y glucose, door di esaki un bacoba ta duna bo un boost di energia instantaneo, sosteni y substancial. Estudio a demostra cu dos bacoba so ta proporciona suficiente energia pa un entrenamento di 90 minuut. P’e motibo aki, bacoba ta un di e frutanan preferi atletanan na mundo.
