A somete Arubianonan na norma demasiado estricto durante e pandemia di corona y esey a bolbe sosode cu tormenta Bonnie luna pasa. Esaki t’e conclusion di e specialisa den derecho estatal y administrativo, mr. dr. Viola van Bogaert: “Por bisa cu a cera e hendenan den nan cas ilegalmente”, el a contesta Caribisch Netwerk durante un entrevista.
Segun e hurista y alabes ex-docente di ley na Universidad di Aruba, cu Gobierno di Aruba a recuri cu demasiado facilidad na medida di emergencia cu ta restringi libertad di ciudadanonan. Door di haci esaki, gobierno a perde e proporcionalidad for di bista. Por ehempel, el a menciona ora polis a detene un pober señora di edad cu a bay benta sushi afo den su bari di sushi, den su mesun cura di cas!
Gobierno no ta siña
Cu tormenta Bonnie luna pasa, cos a bolbe bay malo, segun Van Bogaerts. “Cos a bolbe bay robes. E tiendanan mester a cera y e hendenan a haya nan mes obliga pa keda paden durante diesdos ora.” Segun e hurista ta trata di medida cu ta bay demasiado leu y cu ademas nan tabata tuma ‘ilegalmente’.
