E prome tres detencionnan pa viola Toque de Queda tabata diamars anochi prome cu 10or. Polisnan a topa cu un homber para banda di parada di bus na Pos Chikito poco pabou di e rotonde. E persona aki berdad a haya un transporte gratis pero pa warda pa asina haya su regalo cu ta un multa di 1000 florin.
Despues Polisnan na Playa a topa cu un homber canando den Boliviastraat. E tambe a haya un trip gratis den van di CEA pa asina ricibi su regalo di 1000 florin for di Sub Fiscal.
Un rato despues e polisnan di San Nicolas a topa cu un persona moviendo na pia den Jara Complex. A acerke y detene. A bay cune warda di San Nicolas. Asina a conclui e prome ora di Toque de Queda cu a cuminsa 9or diamars anochi.