Durante di yegada di e prome crucero despues di 15 luna, Prome Minister mr. Evelyn Wever-Croes a papia riba e hecho cu mester a presta placa durante di e pandemia. Ey ta caminda cu lo tin cu sinta cu Hulanda pa nan por negosha. Ta un palabracion cu nan tin haci pa april 2022. Y esey ta importante, segun e mandatario.
Fuera di esey tin e preocupacion di CFT cu e presupuesto no a pasa den april. Mirando e situacion politico, esaki no a sosode ainda. Sinembargo e parlamento tin tur informacion cu por sigui cu ne. Aworaki no tin nada cu gobierno por haci, sino sinta warda pa un invitacion di parlamento pa por bay e reunion pa por trata esaki.
Pronto e mandatario lo ta den dialogo cu secretario di estado Knops y lo bolbe splica cu kico cu ta, a pesar cu falta 16 dia pa eleccion.
Despues lo tin un periodo di formacion, cual e ta spera di ta uno cortico. E ora si lo tin un parlamento nobo pa dia 9 di juli. Eynan por bay trata e presupuesto na e momento ey.
Ta spera cu Hulanda lo tin comprension pa esey.
Pa mas detaye lesa matutino TREMPAN.
