Durante e fin di siman di 3, 4, 5 y 6 di juni 2021 a tuma luga e campeonato di mas importante riba calendario di Aruba Aquatics Federation, esta campeonato Arubano. E aña aki Campeonato Arubano tabata un competencia reconoci pa FINA como cu un clasificacion pa weganan Olimpico na Tokio 2021.
Despues di hopi tempo sin por a participa den caredanan di landamento pa motibo di restriccionnan di COVID-19, e ekipo di landamento Aruba Dolphins a sa di destaca y bay cu e titulo di campeon pa aña 2021. Durante cuater dia hopi intenso di competencia na Piscina Olimpico Roly Bisslik, e ekipo di landamento Aruba Dolphins un biaha mas a demostra cu amor cu landadonan di Aruba Dolphins ta sinti pa deporte di landamento ta grandi.
Den fin di siman cu a pasa grandi y chikito a bini hunto durante Campeonato Arubano c’un participacion di nada menos cu 82 landado, den categorianan di 6 aña y menos, 7-8 aña, 9-10 aña, 11-12 aña, 13-14 aña, 15-17 aña, y 18 & mas, acumulando un total di 2995 punto.
E landadonan cu a destaca den nan categorianan ta:
Categoria 6 aña y menos masculino:
2 do luga: Kailen Wouters
3er luga: A’Drian Vrolijk
Categoria 7-8 aña femenino:
1e luga: Jayla Stuut
3er luga: Aafke Pelgers
Categoria 7-8 aña masculino:
2do luga: Zayron Werleman
3er luga: A’Dreon Vrolijk
Categoria 9-10 aña masculino:
1e luga: Enrique van den Hengel
3er luga: Jaythan Winterdaal
Categoria 11-12 aña femenino:
1e luga: Genisis Lacle
2do luga: Mikaela Smith
3er luga: Aliyah Estrada
Categoria 11-12 aña masculino:
1e luga Bobby Gibson
Categoria 13-14 aña femenino:
1e luga: Liv Farro
Categoria 13-14 aña masculino:
2do luga: Braynsly Dirksz
Categoria 15-17 aña femenino:
1e luga: Britta Schwengle
2do luga: Chloe Farro
Categoria 15-17 aña masculino:
1e luga: Arvid Farro
2do luga: Ronald Fun
Categoria 18 & older femenino:
3er luga: Flory Kock
Categoria 18 & mas masculino:
3er luga: Carsten Angela
Durante e Campeonato Arubano 2021 e landadonan Britta Schwengle y Braynsly Driskz di Aruba Dolphins a logra kibra dos record Arubano. Den categoria 15-17 aña femenino, Britta Schwengle ta pone record nobo riba e distancia di 50m Backstroke (rugslag), cu un tempo di 32.23. Den categoria 13-14 aña masculino Braynsly Dirksz ta pone un record nobo riba distancia di 50m Breaststroke (schoolslag), cu un tempo di 30.09. Pa e Campeonato Arubano, Aruba Dolphins a gana un total di 255 medaya, di cual 112 ta oro, 73 plata y 72 brons.
Directiva di Aruba Dolphins ta felicita tur su landado- y coachnan Ynocente Chacon, Francisco Goedgedrag, Luz Maduro, Tyrine de Kort, Marelly Robles de Medina y Roly Bislik.
Alabes directiva ta gradici tur e mayornan y tur esunnan cu a yuda pa logra e titulo e aña aki atrobe.
