Gobierno a yega na un areglo cu ex director di NV Elmar, Robert Henriquez.Prome minister Evelyn Wever-Croes, no sa mucho di kico a pasa y e lo a keda di reuni cu e board pa haya un tiki mas informacion.E tin di compronde cu ta un settlement a yega na dje y cu e partidonan no por duna comentario riba e detayenan.
Kico lo bay pasa awo?
Dia cu sindicato a exigi un reunion, pasobra a pidi cabes di director, prome minister a splica cu a yama nan aden y bisanan cu nan no mester ta cerca e prome minister pa pidi cabes di ningun hende.Tin cu tene cuenta cu tin e board di compania. E compania ainda tin un shareholder, cual ta Utilities, cu tambe tin un board y ta eynan nan mester ta.Esey ta loke cu sindicato a haci tambe. Prome minister mes no ta esun cu ta tuma decision riba e decision final. E board awor aki lo tin cu bay busca un director y bin cu algun candidato, haci un selectie procedure manera cu mester ta.
No a yega na Elmar ainda.
E oportunidad no a duna ainda pa prome minister a yega Elmar. E ta pensa cu como minister, bo mester tin un distancia. Bo no mester ta den e companianan constante. Ta pesey nan ta companianan estatal y no un departamento di gobierno.Pa un departamento di gobierno bo mester tey, pasobra bo ta e hefe.Pero un compania estatal, e simpel motibo cu el a wordo saca di gobierno, ta pasobra cu e ta un entidad riba su mes y tin full un structura riba su mes.E tin di e director, e tin e board, e shareholdernan cu ta di Utilities, e board, despues ta yega gobierno. Esey ta e motibo mas bien.
Disgusta?
Prome Minister no por bisa cu e ta disgusta cu e maneho di Elmar. P’e ta hopi importante pa a comunica e vision nobo di gobierno y esey ta pa baha gastonan di utilidad. Kier tin un sistema cu por confia riba dje. Un sistema cu por paga, cual ta affordable y accesibel pa tur hende, esta cu tur hende por haya coriente y awa y un sistema sostenibel.
Importante ta pa den tur esaki, ki trayectoria cu nan cana, ki sistema cu nan kier usa, e ta asina pa baha awa y coriente.
