Na e momentonan aki Departamento di Impuesto (DIMP) ta bezig cu naheffing aanslagnan pa e otro tipo di belastingnan.
Segun vocero di Departamento di Impuesto, Meverly Romano, na e momentonan aki, Departamento di Impuesto ta bezig cu naheffing aanslagnan pa e otro tipo di belastingnan.
Por ehempel a saca pa loke ta trata winstbelasting 2017, tambe a saca naheffing aanslag. A saca un cantidad di 3100 naheffing. Tur a sali cu boet. Tin naheffing cu a sali, pasobra ta prome biaha e cliente tabata den verzuim. Tin cu tabata di dos biaha. E personanan cu por ehempel ta prome biaha nan no a cumpli, nan a haya un boet di 500 florin.
Esunnan cu tin mas biaha cu nan no a cumpli, nan boet ta mas halto. Te na e momentonan aki a saca 3100 carta di naheffing y esaki ta representa 36.5% di e cantidad di clientenan cu Departamento di Impuesto tin pa winstbelasting.
E fecha di e cobransanan aki ta dia 8 di October y e clientenan ta haya dos luna pa haci e pago corespondiente.
Esaki tambe, pa winstbelasting, kisas e ta un tiki nobo tambe, pasobra winstbelasting, entrante 2018 tambe antes tabata aanslagbelasting. Awor aki entrante 2014, el a bira un aangiftebelasting. Esey ta nifica cu ora e cliente ta den incumplimento, e por spera un naheffing, sea cu e no a entrega su declaracion of no a haci e pago corespondiente.
Alabes ta sacando naheffing aanslagnan pa BBO, pa BBV, pa Loonbelasting, pa Speelvergunningrecht, toerismeheffing.
A saca por ehempel pa luna di Maart, un total di 21242. Esaki ta solamente pa luna di Maart 2018. Eynan bo ta mira cu e cantidad di incumplimento ta hopi halto. Te awor aki pa 2018, pa BBO so den e diferente lunanan, a cobra por medio di un naheffing, a saca 37906 cobransa.
Prome cu 2018, tambe atabata saca naheffingaanslagen. Pero e tempo ey, e sistema di pone e cobransa tabata sosode manual. No tabata algo automatisa.
Awor aki a introduci e sistema automatisa nobo y awor aki, manera cu tin un incumplimento, sea den e parti di declaracion of e parti di pago, e ora ya caba e sistema ta genera un cobransa.
Romano a splica adicionalmente cu un naheffingsaanslag ta sali na momento cu tin un incumplimento pa loke ta trata declaracion y/of pago. Declaracion y pago ta dos caso apart. Nan ta hopi biaha den practica cana hunto, pasobra un hende hopi biaha ta bin entrega su declaracion y pareu cu ta e ta haci esaki, ta haci pago.
Pero nan ta dos proceso cu ta cana apart. Nan ta separa di otro. Si un cliente a entrega su declaracion, pero no a haci pago, e ora ey, pa e parti di e incumplimento di pago, e sistema ta genera un cobransa p’e. Un cobransa adicional cu loke ta yama e naheffingsaanslag.
E persona ta haya un boet tambe pa e parti di pago. Ley ta bisa cu e cliente si e no declara su declaracion, e boet por bay riba un maximo di 2500 florin.
Si e cliente no cumpli cu e pago, e boet ta un maximo di 10 mil florin. Ta mira cu incumplimento den parti di pago ta hopi mas severo cu e parti di incumplimento di entregamento di declaracion.
Pero, nan ta cana hunto y hopi biaha toch e cliente no ta haci e aangifte pareu cu e pago. Hopi biaha e cliente ta entrega e declaracion, pero toch e no ta haci e pago.
Tambe un cliente por haya su mes cu un naheffingaanslag, si e pago drenta laat of si e aangifte a drenta laat.
Manera e comerciantenan sa, pasobra esaki ta un grupo cu ta mas tanto ta envolve e comerciantenan, tur fecha 15, ta e ultimo dia pa haci e declaracion, pero tambe haci e pago. Kiermen tur comerciante cu tin cu haci un declaracion di BBO sa, cu fecha 15 ta su deadline.
Mesun cos pa loonbelasting, entre otro. Si e fecha 15 a pasa y dia 16 a yega, e declaracion no a drenta of e pago no a drenta riba e cuenta di Departamento di Impuesto, e ora ya caba e cliente lo bay ricibi un naheffing. Aunke e ta un dia of dos dia laat, e ta bay ricibi un naheffing.
Clientenan ta bisa cu nan a haya un cobransa, el a haya un naheffing, pero el a haci su pago.
Ora cu ta bay wak mas leu, e pago a wordo haci dia 15 via su banco, pero e placa no a drenta riba rekening di Departamento di Impuesto riba e mesun fecha. Kiermen por ehempel si e cliente a paga riba dia 15 parti atardi, e placa no ta bay wordo registra riba rekening di Departamento di Impuesto riba e mesun momento.
E ta wordo geboekd riba nan cuenta, sea e dia prome of dos dia despues. Tin cliente cu ta haci e pagonan por medio di un transfer. Hopi biaha e banco mes ta bisa e cliente pa tene cuenta cu transfer por dura tres dia. E ta mas consehabel pa e cliente haci su pago di belasting via billpay.
