Dialuna anochi gobierno a tene rueda di prensa, unda cada minister a trece diferente informacion dilanti. Prome minister a indica cu gobierno ta trahando pa elimina pobresa cu tin riba e isla.
Den pueblo tin keho pa loke ta trata e costo di bida, CBS tambe a indica riba e bestaansminimum di cuanto un famia mester pa por biba na Aruba. Prome Minister mr. Evelyn Wever-Croes a indica cu e indicadornan macroeconomico ta mustra hopi positivo. Gobierno sa cu e progreso y bienestar ta yegando unda tur e tin di yega, pero no tur caminda.
Ainda no ta n’e caminda cu mester ta. Tin trabou cu mester haci. E mandatario ta contento cu loke minister mr. Geoffrey Wever a bisa riba e echo cu inflacion ta bay baha. Gobierno ta trahando riba diferente trabou, manera riba e pensioen di biehes p’e pensionadonan por haya un alivio y aumento na comienso di aña.
Minister di Asuntonan Social ta revisando tur e sistema cu tin di haber cu bijstand y onderstand. Segun Wever-Croes, nan ta prefera pa esunnan cu ta den bijstand y onderstand haya un cupo di empleo.
Pa mas lesa TREMPAN.COM.
