“Hopi biaha e discusionnan ta entorno cu discusion di Hulanda, cu si mester ta mas estricto, cu si mester baha gasto, cu si mester aumenta entrada. Pero tin biaha tin bon noticia pa comparti y awe ta un di e biahanan ey,” ta loke cu Prome Minister mr. Evelyn Wever-Croes a indica durante un conferencia di prensa dialuna anochi.
E ta sigui bisa cu e maneho hopi estricto, hopi responsabel y aworaki ta dunando su fruto. Ta papiando aki di e presupuesto supletorio pa e aña aki 2023. E di dos presupuesto supletorio, mirando cu ya den e prome mita di aña a traha riba uno.
E presupuesto supletorio aki ta mustra cu debi n’e entradanan adicional y e maneho financiero responsabel y estricto, cu tabata un aña remarcabel y awo tin extra entrada, extra fondo pa inverti den extra proyecto e aña aki ainda.
Esaki ta algo cu ta merece un conferencia di prensa extraordinario, pasobra ta prome biaha den historia di pais Aruba, cu esaki ta pasa, segun e minister.
Antes, papiando di prome cu 2017, e presupuestonan supletorio tabata yega parlamento fin di aña, casi na momento di tira pagara. E presupuestonan supletorio tabatin deficit adicional, di chikito te na grandi di miyones na ultimo momento.
Reflehando asina placa cu a gasta caba, pero cu despues ta busca e aprobacion di parlamento. Desde cu e gobierno nobo a sinta tur e presupuestonan supletorio ta budget neutral, esta no cu deficit adicional.
Aworaki pa prome biaha ta presenta uno cu tin fondo adicional. E aña aki tin 25 miyon florin ainda na extra fondo cu por inverti den proyecto importante di nos pais, segun e minister.
Pa mas detaye lesa TREMPAN.
