E grabacion di bos cu ta papia di un supuesto deal riba Cannabis Medicinal ta un Talk of the Town. Esaki sigur ta un scenario cu ta causa hilaridad, sinembargo ta preocupando prome minister, Evelyn Wever-Croes.Den e grabacion por a scucha tres voz.
Un di nan, esun den exterior, ta mustra cu e tin preocupacion den e deal ofreci pa e persona cu ta yama for di Aruba, cu ta bisa cu tur cos ta bon. Ta simplemente tin cu presenta e prome minister cu un proyecto cu ta duna “job opportunities.” Casualidad di tur cos, ta scucha un stem ta fluister y ta hopi conoci. Den un entrevista na Top FM 95 prome minister Evelyn Wever-Croes, a splica cu e no ta aprecia cu ta hinca su nomber den cierto dealnan.
No ta berdad y tampoco no ta su sistema di traha. Ta bon pa aclarea e asunto aki inmediatamente.Sa cu den nos cultura na Aruba, hopi biaha un hende ta referi na un minister of na un prome minister, pa causa e impresion na e otro hende, pero no ta bon.Den e caso aki, e ta un paar di persona papiando na telefon. Por a tende un persona na un banda di e liña ta papia cu un hende den exterior. Na e banda di liña local, supuestamente yama Arturo. Por a referi e otro ta referi na dje asina. E otro voz cu ta scucha, ta papia cu un hende den exterior, bisando algo di un business di Cannabis, cu nan kier planta den container y cu nan ta traha atrabes di e prome minister.Ta bisa algo cu nan ta deal atrabes di e prome minister. Cosnan no ta bay asina y ta bon pa aclarea esaki pasobra e audio aki ta pasando rond.E tin algun dia caba ta pasando rond.
Prome minister a hay’e for di algun hende y tin cu bisa cu mesora cu a hay’e prome biaha, a pone den man di autoridad y hunto cu autoridad ta buscando e identidad di e personanan.Nan ta hopi cerca di e identidad di e personanan, pa asina por yega na e fondo di esaki, pa wak si esaki ta un mal joke e ta of ta kico ta loke ta pasando.Ora cu ta uza nomber di un prome minister, sea pa impresiona e inversionista of saca cualkier negoshi for di dje, ta bezig cu un tipo di oplichting. Depende con leu bay, e ta algo mas castigabel. Den e caso aki enfaticamente cu e no ta e caso.Pasobra cu e tema di permiso di Cannabis, no ta prome minister ta duna esey, sino den man di minister Dangui Oduber y Xiomara Maduro.E grabacion cu ta pasando rond, cu ta trece un mancha riba integridad y nomber di e prome minister, por mira cu ta algo totalmente no corecto.Berdad cu Cannabis ta hopi importante. Ta trahando riba dje tambe y hopi hende ta papiando di dje, pero esaki no ta corecto.
