Prome 14 avionnan a sali pa Europa cu medicamentonan Chines

4452

Un avion cu carga cu mas di 20 tonelada di suministro medico colecta di henter China, a lanta desde e Aeropuerto Internacional Xiangyang di Xi’an, capital di e provencia noroccidental di Shaanxi, cu rumbo Leipzig, Alemania.

Ta trata di e prome 14 vuelonan cu ta transporta un total di 300 tonelada di material medico Chines pa Alemania, desde unda ta manda nan pa otro paisnan Europeo pa apoya nan combate contra e neumonia COVID-19. E vuelo charter, opera p’e compania Ruso Atran Airlines, tambe tabata e prome vuelo di carga cu a Sali pa Europa desde ora e aeropuerto di Xi’an a suspende tur su vuelo di salida debi na e brote di e coronavirus nobo na China.

E prome lote di suministro medico ta inclui 2.08 miyon di handschoen medico y 30.870 paña di proteccion. E vuelonan posterior ta hiba mondkapje, pañanan di proteccion y respiradores, entre otro suministro medico. China ta coordinando aeropuertonan, aduana, agente di carga y aerolineanan pa entrega e suministronan medico pa Europa.