Den un relato ricibi for di colega Godfried Adem, e ta papia di speransa cu Hulanda a lanta cun’e e siman aki.
Hulanda ta haciendo un experimento unda cu a haci apelacion na tur esnan cu a recupera (cura) di COVID-19 pa duna sanger na Erasmus Medisch Centrum na Rotterdam a cuminsa duna pashentnan malo (infecta cu coronavirus) plasma (antibodynan) di e pashentnan cu a cura caba.
E speransa ta cu esnan hopi malo lo por recupera ya cu ta hayando antibody di esnan cura. Esaki ta e prome fase di un terapia, y si e duna resultado esnan cu bira malo tin e oportunidad pa recupera. Y esnan cu ta salud, por duna nan esaki pa evita cu nan ta bira malo di COVID-19. Esaki ta un luz chikito na firmamento.
Na Hulanda tin 1039 persona cu a fayece caba mientras cu tin rond di 4712 persona interna den hospitalnan rond Hulanda. Cifranan di esnan cu a cura di virus, no por bisa, pasobra no tin ningun instancia, den tur ansha, no a mantene un conteo.
Hasta ta bisa cu por tin hendenan a fayece di coronavirus prome cu e outbreak cu awo si tin registra sin cu nan a wordo diagnostica, y nan ta basa nan mes riba loke dokternan a bin ta expresando ultimo tempo.
