Rond di diamars 1:15am a caba cu votamento riba e presupuesto supletorio di Gobierno di Aruba pa aña 2018. Eyden Gobierno a surpasa e presupuesto regular 2018 cu alrededor di 100 miyon florin. E tres fraccionnan den coalicion a aproba e presupuesto cu 12 voto na fabor y oposicion a vota contra cu 7 voto. Parlamentarionan Mike de Meza y Arthur Dowers no tabata den sala na momento di votacion.
Banda di e presupuesto supletorio, a vota tambe riba un mocion di miembro di Parlamento Ricardo Croes di RED cu a indica cu tur extra entrada ta bay pa enseñansa. Cuanto extra entrada por tin faltando 20 dia pa aña caba, no ta conoci. E votacion a bay unanime, pues tur 4 fraccion a vota na fabor.
Fraccion di POR a presenta un amienda pa traspasa fondo di Ministerio di Infrastructura (Otmar Oduber) pa e presupuesto di obranan publico (DOW), pero oposicion a vota contra. Asina mes e amienda a pasa.
