Durante su bishita na Corsou Colegio di supervision financiero di Corsou y Sint Maarten (Cft) a indica cu ehecucion di e presupuesto di 2017 ta bou di presion severo. Pa preveni un deficit presupuestario na 2017 medida pa aumento di entrada y bahamento di gasto ta necesario.
E retonan ta sinta den e ingresonan fiscal atrasa, recaudacion di prima atrasa na e fondonan social y control di gasto. Ademas, stimulacion di economia ta un reto importante pa e periodo nos dilanti. Parce cu e presupuesto di 2016 lo cera positivamente Ta parce cu a cera aña 2016 cu un resultado positivo den servicio ordinario debi na ganashi incidental. Cu esaki Corsou ta presenta un servicio ordinario balansa pa e di cuater aña consecutivo. Accountant di Gobierno ni Controlaria General no a controla e cuenta anual di 2016 ainda, di moda cu no ta posibel duna un veredicto final. A pesar di entrada di impuesto decepcionante y benta di bien y servicio, e ingreso total a resulta mas halto cu e gastonan total, debi na un aumento substancial den e entradanan di dividendo. Cft ta adverti contra un maneho cu ta stens riba entrada incidental pa logra un presupuesto balansa y p’esey ta enfatisa, entre otro, e importancia di un maneho di dividendo structural pa e empresanan publico. Ehecucion di presupuesto di 2017 no ta cana debidamente E cifranan di realisacion pa e prome semester di 2017 ta mustra un panorama preocupante.
E presupuesto di 2017 ta bou di presion severo. Cft a conseha gobierno pa introduci di inmediato un paro di obligacion y medida pa aumenta cumplimento pa bolbe balansa e presupuesto y manten’e asina. E gastonan, particularmente den caso di subsidio y transferencia, consumo di bien y servicio y añadicion adicional na e fondo fluctuante, den e prome semester di aña ta mas halto cu loke tabatin proyecta, mientras cu e entradanan, principalmente di impuesto, propiedad, bien y servicio, y e recaudacion di prima na e fondonan social ta keda masha leu di loke a proyecta. Esaki ta conduci na un exceso total di e pronostico na final di juni di ANG 77 miyon. Presidente di Cft: “Gobierno mester tuma medida pa desvia un deficit na final di 2017." E posicion di likides a baha mas abou di un balor sano sostenibel. Cft ta conseha gobierno pa tuma medida apropia mas pronto posibel pa mehora e posicion di likides. Ademas Cft ta conseha gobierno pa mehora e suministro di informacion tocante Hospital Nobo Otrobanda, considerando e posibel consecuencianan financiero pa e presupuesto. Esaki ta conta no solamente respecto di Cft, sino tambe respecto di sociedad. P’esey Cft ta insisti riba actualisacion di y penetracion den e businesscase.
Finalmente Cft ta mustra tambe riba e capacidad di resistencia cu mester fortalece pa por mantene e presupuesto balansa den temponan economicamente menos prospero. Crecemento economico necesario den e proximo añanan Den e ultimo añanan crecemento economico di Corsou a stanca. Pa 2017 ta sali for di un crecemento economico real di -1,8% y pa 2018 di 0,3% di e PIB. Economia mester di un impulso. Gobierno por crea un miho clima empresarial eliminando barera (por ehempel, burocracia), invirtiendo, entre otro, den ICT, modernisando legislacion y aplicando eficazmente medida pa mehora eficiencia, en particular denter di e empresanan estatal den sector energetico. Tambe tin oportunidad riba tereno di crecemento economico debi na e posibel yegada di Guangdong Zhenrong Energy (GZE), e inversionnan den Dok Maatschappij y e di dos Megapier, unda actualmente ya ta dal pasonan importante. Bishita di Cft cu presidente nobo y miembro nobo na nomber di Corsou E bishita na Corsou dia 4 di october tabata e prome bou di liderazgo di e presidente nobo Sr. Raymond Gradus. Entretanto a fortalece Colegio cu yegada di e miembro nobo na nomber di Corsou, Sr. Gregory Damoen. Cft ta mira atras na un bishita fructifero na Corsou.
Por ehempel, a papia cu Gobernador, Conseho di Ministro, Ministro di Finansa y e Comision Financiero di Parlamento. Tambe Colegio a papia cu Banco Central di Corsou y Sint Maarten. Na tal ocasion a discuti tambe e consecuencianan di horcan Irma pa economia di Corsou y Sint Maarten. Cft ta convivi cu tur persona cu ta sufriendo e consecuencianan di e violencia natural reciente. Cft no ta considera un bishita na Sint Maarten oportuno na e momento aki. "Gobierno ta enfoca aworaki riba ofrecemento di yudansa di emergencia y restauracion di orden publico", e presidente a laga sa. Posiblemente Cft lo haci un bishita apart na Sint Maarten na final di e aña aki.
