Tragedia di Bijlmer ta un coleccion di hopi tragedia humano

Alcaldesa di Amsterdam, Kajsa Ollongren a para keto hunto cu esnan cu a biba e tragedia di Bijlmer durante e conmemoracion di e tragedia cu un “Groeiend Monument”, caminda cu tin planta e “palo cu a mira tur cos.”“Nos ta para keto na e 43 mortonan. Y hunto cu esnan cu a sobrevivi e tragedia. Pasobra no solamente e flatnan a keda atras. E dolor di e dia teribel aki, ningun hende no por kita. E otro Amsterdammernan por comparti e tristesa. Y e herida di e tragedia di Bijlmer lo wordo carga hunto cu boso,” segun Ollongren, exactamente 25 aña despues di e tragedia.

E accidente aereo na Amsterdam-Zuidoost tabata “un di tragedia y un coleccion di hopi tragedia humano,” Ollongren a bisa. El a mustra riba e lucha di hopi di e famia y sobrevivientenan cu ainda tin cu pasa aden. “Door di e “silencio di hende” esnan cu no a bib’e no ta mira manera boso a mira.”

E tragedia a tuma luga dia 4 di October 1992, ora cu un avion di carga di El Al a cay riba e flatnanGroeneveen y Klein-Kruitberg na Bijlmer. Door di esaki 43 persona a perde nan vida, entre cual, e tres miembronan di tripulacion di e Boeing.

 

Pa Sembrug

Mas tempran durante dia, e Pa Sembrug den Zuidoost a wordo oficialmente habri. Willem Symor, miho conoci como Pa Sem, a rescata 25 aña prome, durante e tragedia na Bijlmer, un mucha homber di 10 aña y e tambe a sufri kemaduranan serio. El a fayece na 2008.

Pa Sembrug ta sirbi tambe como simbolo pa tur e heroenan, rescatista, investiradornan, enfin tur esnan cu di un of otro manera a duna un man den e teribel tragedia aki.