Resientemente abitantenan di Fuik i alrededor a vosifera nan preokupashon pa ku konstrukshon di un posibel shèlter pa refugiado/kalamidat na e skol Mgr.Hemriquez School ku tin hopi tempu para bashí.
Den kuadro di esaki sra Mc William a keda aserka komo Parlamentario pa abitantenan di fuik pa asina duna oido pa nan preokupashon i nan deseo pa ku e skol Mgr.Henriquez.
Durante di su enkuentro ku e abitantenan aki i durante e enkuentro entre abitantenan ku a tuma lugá djaluna último ku tabata unu hopi bon bishita, a konkluí ku nan no ke pa ningun tipo di shèrlter keda konstruí den kurason di nan bario ku ya kaba tin retonan sosial hopi grandi. Abitantenan di e bario i alrededor ta boga pa un sentro multifunshonal ku por akapará aktividatnan pa hóbennan i tambe hende grandinan i no un sentro di kalamidat òf shèlter. Tumando nota di e preokupashon aki, ku lo konta pa tur otro barionan di Kòrsou, lo ta ta un solushon pa si mester di un shelter uza “mancap” di Refineria Isla pa esaki manera a usa den temporada di orkan Irma
Mirando e preokupashon aki i pa haña un aklarashon riba esaki sra Mc William tin e siguiente preguntanan na Minister:.
- Ta bèrdat ku ta bai traha un shèlter na skol Henriquez na Fuik?
- Ta bèrdat ku ya tin bouwvergunning kla pa kuminsá ku e konstrukshon?
- E bouwvergunning aki a wòrdu publiká?
- E plan di un sentro multifunshonal ku ta los for di e posibel konstrukshon di e posibel shelter aki?
A aserka abitantenan i/òf representante di e bario aki di e bario pa sa kiko ta nan pensamentu pa ku esaki?
