Tempo lo ta parcialmente te cu hopi nubla cu algun awasero local den marduga y mañan, segun pronostico di tempo di Servicio Meteorologico di Aruba (Meteo). A pesar di e awasero cu ta spera, lo haci calor inmenso cu por subi te cu 34 grado Celsius cu un temperatura minimo di 25 grado. Asina ta mester prepara pa un tempo basta varia.
Pa loke ta biento, esaki lo ta swak te modera for di direccion noord te noordoost; forsa 2 te 4 ((7 te 30 km/ora, 4 te 16 nudo). Den dia of durante awasero basta fuerte te posiblemente fuerte den rafaga; forsa 5 te 6 (31 te 50 km/ora, 17 te 27 nudo)
Situacion general di tempo pa proximo 24 ora:
Un ola tropical fuerte ta moviendo den parti oost di Caribe. Esaki lo trece basta humedad den region local durante e proximo 24 oranan. De bes en cuando nubianan lo aumenta cu algun awasero y no por exclui un posibilidad di strena cu lamper. Localmente awasero por ta pisa y causa molester.
Condicionnan maritimo/estado di lama:
Ta spera un estado di lama modera bastante bruto na partinan oost te noordwest den e proximo 24 oranan. Olanan lo ta for di noordoost entre 3 pa 8 pia cu e olanan di mas halto na e partinan oost te noordwest.
Aviso/alerta:
Un aviso pa boto chikito ta na vigor pa e partinan oost te noordwest valido te diamars 6 am.
Tempo tropical significante:
Un ola tropical activo den parti oost di Caribe tin chens grandi di sigui desaroya y bira un ciclon tropical den proximo 24 pa 48 ora mientras e ta move generalmente west den lama Caribe. Un area di presion abou lo forma banda di costa di Georgia y tin chens grandi cu den proximo 24 pa 48 ora pa sigui desaroya y bira un horcan.
Pronostico di tempo pa proximo 3 dianan:
Parcialmente nubla cu awasero breve. Biento lo ta for di direccion noordoost te oost y modera te basta fuerte; fuerte den rafaga; temperatura max/min lo ta: 34/28 (grado Celsius).
