Ya caba pariba di nos isla nos por mira con e lama a cuminsa bin mas aden na Baby Beach. Esey ta un señal bon cla, cu e temporada di yobida cu a anticipa caba, ta biniendo pa nos isla. Pero esey no ta descarta cu ainda e temporada di calor no a pasa ainda y cu e sensacion di calor por yega 38 te cu 42 grado celsius durante e epoca aki. Asina ta, tene esey na cuenta y corda bebe mas awa cu a posibel. Meteo a manda e siguiente reportahe cual ta hopi bon pa nos tuma nota di dje. Tempo: Awe anochi: levemente te parcialmente nubla y generalmente seco den marduga y mañan: parcialmente nubla cu chens pa localmente algun awasero.
Temperatura maximo 33 grado Celsius Temperatura minimo 27 grado Celsius Biento: For di direccionan entre oost- noordoost te zuidoost y modera; forsa 3 te 4 (12 te 30 km/ora, 7 te 16 nudo). Den dia of durante di awasero por tin rafaganan basta fuerte te posiblemente fuerte; forsa 5 te 6 (31 te 50 km/ora, 17 te 27 nudo). Situacion general di tempo: Den proximo 24 ora, un disturbio den nivelnan mas abou te medio di atmosfera cu ta move poco poco bay west, lo percura pa humedad y instabilidad den region local. Esaki lo produci momentonan cu mas nubia for di cual por spera algun awasero cu por bay compaña pa lamper cu strena. Localmente awacero por ta fuerte y causa algun molester. Condicion di lama: Olanan di lama lo ta for di direccion oost cu haltura di 2 te localmente 5 pia. Labaderanan for di oost ta drentando awanan regional.
Na usuarionan di lama y operadornan di boto chikito ta wordo avisa pa tene cuenta cu esaki ya cu lama por ta localmente bruto na area di costa, caminda olanan por yega localmente 7 pia. Un aviso pa boto chikito ta na vigor te diaranson mainta 6’or. Potencial di awasero pa proximo 24 ora: 3 te 15 mm; localmente por ta mas. Registracion di temperatura (°celsius) y awasero (mm) den ultimo 24 ora: airport max 33° / min 28° / 0.2 mm Pronostico di tempo pa proximo tres (3) dianan: Parsialmente nubla cu localmente un awasero. Biento lo ta modera te basta fuerte for di generalmente oost. Temperatura max / min lo ta: 34° / 28°
