Minister Andin Bikker a habri e conferencia di prensa di partido POR pa informa di un decision cu Partido POR a tuma den un reunion extraordinario diahuebs anochi. A confirma e noticia di PRIMICIA di 24ora.com, esta cu Partido POR kier cabes di Minister Marisol Lopez-Tromp, debi cu e no ta cumpli cu maneho y decisionnan di partido y di Otmar Oduber.
El a bisa cu desde cu a apunta Marisol Lopez Tromp como Minister a nota un actuacion individualista y no tin comunicacion cu partido ni fraccion. A yam’e diferente biaha pero e no ta acudi na reunionnan ni ta duna reaccion. “Mi a haci mi maximo esfuerso pa yega na un compromiso,” Bikker a bisa.
A traha un carta den cual ta bisa of cuestiona cu no tin comunicacion cu partido, no acudi na reunionnan, no ta tene cuenta cu programa di maneho, y a menciona e decision relaciona cu acceso na Parke Nacional, e maneho pa cu Serlimar cu ta perhudicando Aruba.
Loading…
Reload document 
Open in new tab Nan ta sinti cu e maneho ta trece siguridad di trabou di hopi hende na peligro. No a consulta cu partido ni fraccion, ni coalicion. Hasta nan ta acus’e di a ataca partido na un medio opositor. Directiva a conclui cu no tin confiansa mas den su persona, pa pone su posicion como minister na disposicion di partido no mas laat cu dialuna.
Otmar Oduber a informa partido cu e lo bay bek sector priva y dedica su mes na otro negoshinan. Pues e no ta disponibel pa bolbe como Minister.
Ta bay wak kico Marisol Lopez Tromp ta bay haci, reflexiona, y despues mira kico partido lo haci.
